Albert Vilalta
Zuen etxerako edo ikastetxerako apaingarri supermatematikoak nahi dituzue? Bost solido platonikoak aurkezten dizkizuegu. Inprimatzeko eta muntatzeko prest daude, zuhaitza, atea, balkoia... nahi duzuena apain dezazuen.
Poliedro erregularrak aurpegi eta barne-angelu guztiak berdinak dituzten 3D gorputzak dira. Bada, ba al zenekien bost baino ez daudela? Gehiago ez daudela ikusteko, erpin baten inguruan poligonoak elkartzeko ditugun hainbat aukera aztertu besterik ez dugu.
Antzinako matematikari eta filosofo greziarrek, hala nola Pitagorasek, Euklidesek, Aristotelesek edo Platonek (aipatutako poliedroek haren izena hartzen dute), ezagutzen zituzten bost poliedro erregular horiek; haien purutasuna gurtzen zuten eta, gainera, elementuekin lotzen zituzten: lurra, airea, sua, ura eta eter edo kosmosa.
Ikusten duzunez, solido platonikoak aspalditik izan dira gure inspirazio iturri. Eta gu ere inspiratu gaituzte… Jai hauetarako bost erronka dakarzkizuegu, etxea apain dezazuen! Ezagutu gure pertsonaiak, ebatzi erronkak eta eraiki zure solido platoniko propioak. Zure ingurua geometriaz apainduko duzula espero dugu!
